[23.10.2009.] "Алтын сақа" қоры жаны жарым жандарға қуаныш сыйлады
15:00
Пайғамбарымыздың (Аллаһтың оған игілігі мен сәлемі болсын!) хадисі: «Шындық байлық мал-мүліктің көп болуы емес, шындық байлық - кеңпейілділік» (Бухари, Муслим, Мажәһ жеткізген). КСРО халық әртісі, халық қаһарманы Роза Бағланованың "Алтын сақа" қайырымдылық қоры әркезде жетім-жесір, мүгедек, асыраушысынан айырылған қарттарға қол ұшын созып, көмек көрсетуден еш аянған емес. Жаны жарым жандарға қуаныш сыйлап жүрген қайырымдылық қоры енді тұрақты орны жоқ адамдардың да қаяу түскен көңілдерін бір серпілтті. Гүлнар Сүлейменқызы - Алматы қалалық «Тұрақты орны жоқ адамдарға арналған әлеуметтік бейімдеу орталығы» мемлекеттік мекемесі директорының орынбасары Мұнда алаяқтардың арбауына түсіп, пәтерінен айырылған қариялар мен асыраушысы жоқ мүгедектер және түрлі жағдайларға тап болған, тұрақты мекені жоқ адамдар күнделікті үш мезгіл ас-ауқатпен қамтамасыз етіледі. Ал, егер төлқұжаттарын жоғалтып алғандар болса, осы мекеме оларға Әділет басқармасымен бірлесе отырып, қайта реттеп береді. Гүлнар Сүлейменқызы - Алматы қалалық «Тұрақты орны жоқ адамдарға арналған әлеуметтік бейімдеу орталығы» мемлекеттік мекемесі директорының орынбасары Енді, міне Роза Бағланованың жеке бастамасымен 1989 жылы құрылған "Алтын сақа " қоры қыстық аяқ-киіммен қамтамасыз етуді қолға алып отыр. 20 жыл игілікті іспен айналысып келе жатқан қордың аз да болса бұл көрсетілген көмегіне мұқтаж жандар разылығын білдірді. Қайырымдылық қорының діттегені де осы. Қуаныш Жарылқап - «Алтын сақа» қайырымдылық қорының үйлестірушісі Роза Бағланованың өзі бұл игі іске ортақтаса алмады. Бірақ халық қаһарманының ыстық сәлемін ұлы жеткізді. Себебі, Роза апамыз бұл қайырымдылық қорының ісін одан әрі жалғастыруды ұлы мен келініне тапсырыпты. Олардың айтуынша, ИншАллаһ! Дәл осындай қайырымдылық шаралары алдағы уақытта да өз жалғасын таппақ.
Дінислам.Кз сайты - сайтта жарияланған мақалалар мен жаңалықтарға байланысты жазылған адамдардың көзқарасы мен ой-пікірлерінің жауапкершілігін жүктемейді.
