Солтүстік Қазақстан облысының Тайынша ауданына қарасты Мәдениет ауылының
тұрғындары жаппай салауатты өмір салтын ұстанады. Мұнда арақ-шарап деген атымен
жоқ. Той-томалақ тұрмақ, алкоголь өнімдері дүкен сөрелерінен де алынып
тасталған. Бүкіл ауданға үлгі болып отырған ауылдың еңбектеген баласынан,
еңкейген кәрісіне дейін Исламның
ақ жолына түсіп, намазға жығылған.
Алкоголден мүлдем бас тарту тұрғындарға оңай соқпағаны анық. «Жайған
дастарханың арақ-шарапсыз болса, қонағың өкпелеп кететін жағдайға жеттік емес
пе?» - дейді ауыл ақсақалдары. Дегенмен жаман әдеттен арылуға ауыл болып бел
буған. Той-томалақты айтпағанның өзінде, мұндағы дүкендердің өзінде арақ мүлдем
сатылмайды.
Ауылда бір емес, екі мешіт бар. Тайлы-тұяғымен намазға жығылған ауылда
жалғыз мешіт тарлық етіп, кейін үлкен қылып екіншісін салған. Арақ-шараптан мүлдем бас тартуға осы
имандылық үйінің де тікелей септігі тиіпті.
- «Ешқандай төбелес, жанжал жоқ. Бұл өзі ең
шеткі нысаным. Осы ауылды үлгі етуге болады»,- дейді тағайындалған учаскелік инспектор Жақсылық Жақыпов.
Бірақ, салауатты өмір салтын
ұстанған Мәдениет ауылының тұрғындарынан үлгі алуға көрші ауылдардың тұрғындары асығар емес. Жаман әдеттен мүлдем бас
тартуға оларға ерік-жігер мен берік иман жетіспей жатқан сыңайлы.
| 
kandai keremet, uzagynan suindirsin 
